GitHub bilan ishlash. Birlamchi buyruqlar.

Bilishimiz kerak bo'lgan eng oddiy narsa bu Github'dagi repository'ni yuklab olish, ya'ni clone qilish.

Buning uchun repository'ning link'ini GitHub'dan ko'chirib olish kerak:

Keyin repository linki orqali clone qilamiz:

git clone https://github.com/shoxruxsunnatov/solution-f.git

GitBash yangi solution-f nomli papkaga repository'ni clone qiladi. Endi biz bu repository'ni o'zgartirib qayta jo'natishimiz mumkin.

git status orqali repository'dagi o'zgarishlar haqida ma'lumot olishimiz mumkin.

Repository'ga o'zgartirishlar kiritgach, git add . buyrug'i orqali o'zgartirishlarni git ga qo'shamiz.

git commit -m "Yangi o'zgartirish" buyrug'i orqali o'zgartirishlarga nom berib, saqlaymiz.

git push origin branch_nomi orqali o'zgartirishlarni qaysidir branch ga yuboramiz. git push buyrug'i avtomatik main branch'ga yuklaydi.

Yangi branch yaratish va unga repository ni yuklash

git branch yangi_branch_nomi orqali repository'da yangi branch yaratamiz.

GitBash'ni yangi branch bilan ishlashga o'tkazish uchun git checkout yangi_branch_nomi buyrug'ini kiritamiz.

GitBash ayni paytda qaysi branch'da ishlayotganini git branch -a buyrug'i bilan ko'rish mumkin.